TERJEMAH SAFINAH & PENJELASAN (PEMBUKAAN)

BUBUKA

اَلحَمْدُ لِلهِ رَبِّ الْعَا لَمِيْنَ.

وَبِهِ نَسْتَعِيْنُ عَلىٰ اُمُوْرِ الدُّنْيَا وَالدِّيْنِ.

وَصَلَّى اللهُ عَلٰى سَيِّدِنَا مُحَمَّدٍ خَا تَمِ النَّبِيِّيْنَ وَ عَلَى اَلِهِ وَصَحْبِهِ اَجْمَعِيْنَ.

وَ لَاحَوْلَ وَلاَ قُوَّةَ اِلّا بِا اللهِ الْعَلِىِّ الْعَظِيْمِ.

Bismillaahi: ngawitan abdi ngarang kana ieu kitab bari nyuhunkeun pitulung kalawan nyebat jeuneungan Alloh. (anu sifat na Alloh) Arrohmaani: Dzat anu maparinan nikmat ageung Alloh di dunya ka mukmin jeung ka kafir. (tur anu sifat na Alloh) Arrohiimi: Dzat anu maparinan nikmat alit Alloh di akhirat ka mukmin wungkul. Alhamdu: ari sagala jinis puji. (eta) Lillaahi: anu tetep/ anu tangtu kagungan Alloh. Robbil ‘Aalamin: anu ngurus sadaya alam. Wabihii: sareung ka Alloh wungkul. Nasta’iinu: nyuhunkeun pitulung abdi sadaya. ‘Alaa Umuuriddunyaa: tina mang pirang-pirang urusan dunya. Waddiini: jeung pirang-pirang urusan agama. Wa sholla: sareung mugi-mugi nambih-nambih rohmat. (saha) Alloohu: gusti Alloh. Wassalama: sareung kahormatannana. ‘Alaa Sayyidinaa: ka jungjunan urang sadaya. Muhammadin: teugesna kanjeng Nabi Muhammad. Khootaman: anu janteun panungtung. Nabiyyiina: samudaya para nabi. Wa Aalihii: jeung ka kulawargina kanjeng nabi. Washohbihii:sarta ka para shohabatna kanjeng nabi. Ajma’iina: teugesna sadayana bae. Walaa Hawla: teu aya daya upaya kangge nyingkahan maksiat. Walaa Quwwata: sareung teu aya kakiatan kangge ngalakonan tho’at. Illaa Billaahi: anging ku pitulung na Alloh. (anu sifat na Alloh) al’aliyyi: dzat anu maha luhur. (tur anu sifat na Alloh) al ‘Azhiimi: dzat anu maha agung.

Kasimpulan:

Ngawitan abdi ngaos kana kitab abdi anu iye anu ngaranna kitab safinatun-naja bari ngalap berkah kalawan nyebat pirang-pirang jeuneungan Alloh, dzat anu maparinan nikmat ageung di dunya ka mukmin jeung ka kafir, tur dzat anu maparinan nikmat alit di akhirat ka mukmin wungkul.

Ari sagala jinis puji eta anu tetep/ anu tangtu kagungan Alloh, dzat anu ngurus sadaya alam. Sareung ka Alloh wungkul nyuhunkeun pitulung abdi sadaya tina pirang-pirang urusan agama jeung mang pirang-pirang urusan dunya.

Sareung mugi-mugi nambih-nambih rohmat Alloh tur kahormatannana ka jungjunan urang sadayana kanjeng nabi muhammad anu janteun panungtung samudaya para nabi, oge ka kulawargina, sarta ka para shohabatna sadayana.

Heunteu aya daya upaya kanggo nyingkahan maksiat, sareung teu aya kakiatan kanggo ngalakonan tho’at, anging ku pitulung na Alloh, dzat anu maha luhur tur anu maha agung

Bahasan:

Ajeungan mushonif dina kitab anu dianggitna iyeu, dikawitan kalawan maos bismillah, hamdallah, sholawat sareng salam ka kanjeung nabi Muhammad SAW, tah eta tingkah sareng kalakuan teh nandakeun yen ajeungan mushonif kana ngalap berkah ku sabab maosna, bari ngareup-ngareup yen kitab na anu dianggitna sing disampurnakeun ku Alloh tur aya manfa’at kangge manteunna, oge pikeun sadayana muslimin muslimat anu ngaraos kana kitab anggitannana, saterasna ajeungan mushonif maos kana hawqolah, eta nandakeun kana pasrah sumerah na ka Alloh, ti kawit nganggit kitabna, cag dugi ka rengse dina nganggit kitabna.

Maka Ajeungan mushonif ngawitan kana risalahna kalawan bismillah, kulantaran:

1. Turut tumut kana kitab Alloh Ta’ala, eta bismillah teh mangrupikeun ayat anu kahiji tina surat alfatihah, bagian tina surat an-naml jeung mangrupikeun ayat mustaqillah tina ayat-ayat anu sejenna, tegesna ngajadi pamisah diantara surat, kajabi surat al-baroah, karena eusina surat al-baroah eta eusina nerangkeun tentang perang, seudeungkeun eusina bismillah eta nerangkeun urusan rohmat, atuh heunteu sesuai kana perang.
2. Turut tumut kana sunnah Rosululloh sholallohu ‘alaihi wa sallam, sakumaha dina sohih al-bukhori ti Abi Sufyan ngeunaan surat baginda sholallohu ‘alaihi wa sallam ka geugeuden negeri Romwai, kitu oge hadits Miswar ngeunaan perjanjian Hudaibiyah. Atanapi hadits anu nyebatkeun : “ “tiap-tiap urusan anu ngabogaan tingkah alus anu heunteu dikawitan ku bismallah eta dihukuman saperti hayawananu potong buntutna, ataa hayawan anu potong leungeunna, atwa saperti hayawan anu euweuh ramoan dina pada heunte sampurnana tegesna dina pada saeutik berkahna”.
3. Turut tumut kana kabiasaan para Imam dina nalika nganggit kitab jeung risalah, sakumaha anu diungkapkeun ku Ibnu Hajar Al Asqolaniy dina Fathul Bari Syarh Sahih Al Bukhori.

Ari Hukum Maca Bismillah, eta narima kabagi kana lima hukum:

1. Sunnah, dina sagala urusan anu ngabogaan nilai penting, sakumaha turut tumut kana ajaran tur padameulan Rosul jeung kabiasaan para ulama; pawaris nabi. Ari anu ngawitan nyerat kana kalimat bismillahirrohmanirrohim kalwan lengkap dina permulaan risalah/surat nyaeta nabi Sulaiman ‘alaaihissalam.
2. Haram, dina nalika rek migawe hiji pagawean anu haram kalawan dzatna, saperti dina nalika rek nginum khomr/inuman anu matak weureu, zina  jsb. Bahkan dihariwangkeun ridona kulantaran ayana mangrupa tingkah ngalelece kana kalimat bissmillah.
3. Makruh, dina nalika rek migawe kana hiji pagawean anu makruh kalawan dzatna, saperti nalika rek ngudud pikeun golongan anu ngabogaan pendapat makruh, atawa nalika rek ningali farjina bojo.
4. Wajib, dina nalika nuju sholat, kusabab bismillah eta bagian tina surat al Fatihah mungguh madzhab imam syafi’i.
5. Mubah, dina nalika rek migawe hiji pagawean anu teu ngabogaan nilai penting, saperti nalika rek mindahkeun Barang jsb.

Numutkeun pendapat anu rojih mah huruf Ba dina kalimat bismillah eta ka asup kana Ba ashliyah maka atuh ngabogaan muta’alaq jeung ma’na. seudeungkeun ma’na Ba mah nyaeta LIL ILSHOQ, tapi anu dikareupkeun didieu mah nyaeta kalawan ma’na isti’anah hartosna nyuhunkeun pitulung ka dzat Alloh, kalawan nyambat jeuneungannana. Ma’na huruf Ba tina sisi isyarat anu terkandung dijerona nyaeta: Alloh ta’ala ngadawuhkeun: “ku kaula tos kajadian perkara anu tos kajadian, ku kaula oge bakalan kajadian perkara anu bakalan kajadian”.

Lafadz ISMU dina kalimat BISMILLAH numutkeun ulama-ulama kota Bashroh (iraq) eta dicokot tina lafadz “SUMWUN” atina luhur, lafadz ISMU teu dihartian salian makna luhur kulantaran ma’na luhur mere ciri Maha Luhurna jeuneungan anu disebutna nyaeta jeuneungan Alloh Ta’ala.

Ari jeuneungan Alloh nyaeta hiji jeuneungan pikeun dzat anu wajib wujudna, dzat anu paling ngahak kana sagala pujian. Ari lafadz Alloh mangrupikeun a’roful-ma’arif ‘alal ithlaq, teugeusna jeunenungan anu paling dikanyahokeun disakabeh tempat jeung waktu, sahingga nalika disebutkeun jeuneungan Alloh, maka akal kahartieun ngeunaan saha Anjeun-Na, Anjeunna-Na eta Alloh Robb sapatala jagat, dzat anu nyiptakeun, dzat anu ngatur, dzat anu maparinan rizqi, sarta Anjeun-Na anu nga-Haq disembah. Dicawiskeun oge yen lafadz Alloh mangrupikeun ismun ‘a-dzom, kulantaran mangrupikeun jeuneungan anu paling seu’eur disebat dina al-qur’an, atawa kulantran satiap jeuneungan anu dating saparantosna marupikeun sifat pikeun anjeun-Na. Sakumaha tos ka uninga ku jalma anu nyuprih elmu, nalika urang iman ka alloh  maka urang netepkeun kana ayana Alloh Ta’ala, maka kanyahokeun yen ayana Alloh Ta’ala eta wajibul wujud li dzatihi, teugeusna teu diheulaan ku euweuh jeung teu ditungtungan ku euweuh, beda jeung makhluk kulantaran ayana makhluk ,ah lain hiji perkara anu wajib jeung lain hiji perkara anu dilarang. Kusabab, lamun mah ayana makh;luk eta mangrupakeun hijji perkara anu wajib maka moal kapiheulaan ku euweuh, euweuhna anu miheulaan kana ayana makhluk eta mangrupikeun cirri/ pituduh yen ayana makhluk eta lain hiji perkara anu wajib, justru mangrupikeun hiji perkara anu jaiz (wenang).jeung lain oge hiji perkara anu dilarang, kulantaran Alloh tos nyiptakeun jeung ngayakeunnana. Maka hiji perkara anu mumtani’ (terlarang) teu dijadikeun/ teu diciptakeun, maka iyeu nuduhkeun yen ayana makhluk mangrupikeun wujudun jaizun (ayana eta mangrupikeun hiji perkara anu wenang), euweuh tos miheulaan makhluk, ka euweuhan bakalan nepungan sakabeh makhluk, kalemahan jeung ka kurangan bakalan nyareungan sakabeh makhluk.

Lafadz “AR-ROHMAN AR-ROHIIM” eta dua sifat Alloh anu dicokot tina lafadz “AR-ROHMAH” hartina anu maparin ka alusan, kadua lafadaz anu kasebat teu diartikeun kalawan harti “AR-ROHMAH” anu hartina kanya’ah tina jero hate anu nimbulkeun mere panghormatan jeung ka alusan kanu dipikanya’ahna, kulantaran kanya’ah timbul tina jero hate maka mustahil pikeun Alloh ta’ala, da Alloh mah teu ngagaduhan hate.

Pangna ajengan mushonif maos Alhamdulillaah, dina anggitan kitabna, kulantaran:

1.    Nuturkeun kana sunatulloh hadits qudsi; “takhollaquu bi akhlaqillah”.

2.    ‘amalan bil-hadtsi; “kullu kalaamin laa yubda-u fiihi bilhamdallahi fahuwa ajdam, ae qoliilan barokah.

Ari bismillah mah ibtidaan haqeqi, sedengkeun ari hamdallah mah ibtidaan idhofi.

Alif Lam anu aya dina lafadz AL-HAMDU eta meunang tilu wajah:

1. ALIF LAM LIL JINSI MA’NANA AE JINSUL-HAMDI LOGATNA ARI JINIS PUJI.
2. ALIF LAM LIL ISTIGROQ MA’NANA AE JAMI’UL-HAMDI LOGATNA ARI SAKABEHNA PUJI.
3. ALIF LAM LIL ‘AHDI MA’NANA AE ALHAMDUL-MA’HUUD LOGATNA ARI PUJI ANU DIKANYAHO

Nyakitu deui LAM anu aya dina lafadz LILLAH oge meunang dijadikeun tilu wajah:

1. LAM LIL IKHTISHOOSH MA’NANA AE MUKHTASHUN LILLAH LOGATNA ETA ANU TANGTU KAGUNGAN ALLOH.
2. LAL LIL MILKI MA’NANA AE MAMLUKUN LILLAH LOGATNA ETA ANU KAMILIK KU ALLOH.
3. LAM LIL ISTIHQOOQ MA’NANA AE MUSTAHIQUN LILLAH LOGATNA ETA ANU KA HAQ KU ALLOH.

Jadi jumlah anu manteusan teh aya salapan wajah, tina hasil perkalian 3 x 3 = 9. Sakumaha dihandap:

Al lil jinsi lam lil ikhtishoos # ae jinsul hamdi mukhtashun lillah.

Al lil jinsi lam lil istihqoq # ae jinsul hamdi mustahiqun lillah.

Al lil jinsi lam lil milki # ae jinsul hamdi mamlukun lillah.

Al lil istighroq lam lil ikhtishoos # ae jamii’ul hamdi mukhtashun lillah.

Al lil istighroq lam lil istihqoq # ae jamii’ul hamdi mustahiqun lillah.

Al lil istighroq lam lil milki # ae jamii’ul hamdi mamlukun lillah

Al lil ‘ahdi lam lil ikhtishoos # ael-hamdul-ma’huud mukhtashun lillah.

Al lil ‘ahdi lam lil istihqoq # ael hamdul-ma’huud mustahiqun lillah.

Al lil ‘ahdi lam lil milki # ael hamdul-ma’huud mamlukun lillah.

Ngan anu sesuai jeung ka ayaan mah nyaeta kudu di dameul AL LIL JINSI LAM LIL IKHTISHOS, maka logatannana ari sagala jinis puji eta anu tetep/ anu tangtu kagungan Alloh. Lamun kieu ma’na logatannana maka ngandung rahasia nyaeta tangtuna/ tetepna sagala anu dipuji eta tina sifat-sifat anu sampurna tur Maha endah pikeun Alloh. Tina anu salapan wajah nembe aya nu kacegah nyaeta dina nalika AL na LIL’AHDI, LAM na LILMILKI. Tapi dihukuman kacegah kulantaran saestuna dzat anu qodim mah tara dipimilik, sabab dzat Alloh jeung sifat Alloh teu sah dipimilik. Beda deui jeung makhluk anu anyar eta mah bisa dipimilik ku sesuatu, maka bisa Al na LIL’AHDI, LAM na LIL MILKI.

Rupa-rupina pujian eta narima ka kumpul dina lima kasimpulan:

1. Alloh Ta’ala terpuji dina kamandirian dina Rububiyah-Na, anu teu aya rencang pikeun anjeun-Na, jeung terpuji dina tapak-tapak rububiyah-Na di sakabeh makhluk.
2. Alloh Ta’ala terpuji dina uluhiyah-Na ti sakabeh makhluk-Na, tur mung wungkul Alloh hiji-hijina anu ngahak pikeun disembah bari teu aya ngarencangkeun dina nyembahna.
3. Alloh Ta’ala terpuji disababkeun pirang-pirang jeuneungan-Na, anu endah tur sifat-sifat-Na anu agung.
4. Alloh Ta’ala dipuji kusabab syari’at, parentah jeung panyegah-Na.
5. Alloh Ta’ala terpuji dina katangtua-katangtuan jeung taqdir-Na, sarta sakabeh hal anu berjalan sejeroning sunnah kauniyahna (hukum alam na)

Ari puji teh aya opat, nyaeta:

1. Puji qodim li qodimin,nyaeta puji qodim kanu qodim saperti wa huwal-‘aliyul ‘adzhiim.
2. Puji qodim li haditsin, nyaeta puji qodim kanu anyar ( ka makhluk) saperti innalloohashthofa fi aadama wa nuuhan wa aali ibroohiima wa aali ‘imroona ‘alal ‘alamiin (Q.S aali ‘imroon ayat 53). Sahingga nabi adam gaduh titel shofiyullooh hartina pilihan Alloh.
3. Puji hadits li haditsin,.nyaeta puji nu anyar (makhluk) kanu qodiim, saperti makhluk maca alhamdulillah.
4. Puji hadits li qodimin, nyaeta puji nu anyar (makhluk) kanu anyar (makhluk) saperti rosululloh masihan gelar ka shodiq ka shohabat sayyidina abuu bakar.

Pangna ajeungan mushonif ngantetkeun keucap hamdallah sareung robbil’aalamiina, kulantaran kecap robbi eta lewih luas ma’nana tinimbang keucap mulku atawa mawla, sabab dina kecap robbi mah diantara hartina nyaeta anu nyiptakeun, anu miboga, anu ngawasa, anu mangeranan.

Ari maosna sholawat ka kanjeung nabi upami dinisbatkeun ka Alloh eta rohmat, pami dinisbatkeun ka malaikat eta istighfar, pami dinisbatkeun ka mu’miniin eta du’a sareung nganyatakeun pujian pikeun kanjeng nabi Muhammad SAW.

Nadzhoman Bubuka

Ari puji nu sampurna eta tetep # kagungan alloh nu ka persifat lengkep.

Mugi tetep ngocor rohmat sareung salam # ka jeng nabi muhammad mustika alam.

Wa ba’duhu ieu anu di nadzhomkeun # kitab fiqih ngarah reusuep ngarapalkeun.

Mugi ieu nadzhom sing manfaat gede # kanu ngaos boh lalaki boh awewe.

CACARAKAN KITAB 73 GOLONGAN (KITAB MIKHROJUL QURBI)

 

S : naha aya sabaraha ari rukun agama?

J : ari Rukun agama eta aya tilu.

nyaeta:

Ka hiji na Iman

Ka dua na Islam

Ka tilu na Ihsan

S : naon ari ngaran iman?

J : ari ngaran iman nyaeta :

TASDIQUL QOLBI BIMAA JA A BIHINNABIYYU SHOLLALLOHU ‘ALAIHI WASALLAM.

Hartosna : ngaku jeung narima ku hate kana perkara-perkara anu didugikeun ku jungjunan urang sadaya kangjeng nabi Muhammad SAW

S : naon ari ngaran islam?

J : ari ngaran islam nyaeta :

AL HUDU’ WAL INQIYADU LIMAA UKHBIROR-ROSUULULLOOHI SHOLLALLOOHU ‘ALAIHI WASSALLAMA.

Hartosna : rendah diri jeung turut kana perkara-perkara anu didugikeun ti r rosuulullooh shollalloohu ‘alaihi wassallam.

S : naon ari ngaran ihsan?

J : ari ngaran ihsan nyaeta :

ANTA’BUDALLOHA KA ANNAKA TAROOHU FAIN LAM TAKUN TAROOHU FAINNAHU YAROOKA

Hartosna : ibadah anjeun ka alloh kaya-kaya ningali anjeun ka alloh, tuluy lamun teu bukti anjeun ningali ka alloh maka saeunya-eunyana alloh eta ningali ka anjeun. (Dina harti heunte boga rasa kaleungitan rasa di uninga ku gusti Alloh na.)

S : naha aya sabaraha ari syarat-syarat na iman?

J : ari syarat-syarat na iman eta aya opat.

nyaeta :

Ka hiji Ma’rifat,

Ka dua Iddi’an, tegesna ngaku ku hate. ₍₁₎

Ka tilu Qobuul, tegesna narima ku hate kana perkara-perkara anu didugikeun ku jungjunan urang sadaya kangjeng nabi Muhammad SAW. ₍₁₎

Ka opat Iqror Dua Kalimah Syahadat Ku Lisan. ₍₂₎

₍₁₎. Ari Iddian Sareng Qobul Eta Ngaranna Tasdiq. Tah saba’da tasdiq perlu nganyahokeun seghat tasdiq nyaeta RODHIITU BILLAHI ROBBAAN WA BIL ISLAMI DIINAAN WA BI MUHAMMADIN NABIYYAAN WA ROSUULAAN WA BIL QURAANI IMAAMAAN WABIL MU,MINIINA IKHWANAN. Hartosna ridho abdi ka gusti alloh, abdi mangeran. Jeung kana agama islam abdi beragama,. Sareung ka kanjeung nabi Muhammad abdi nganabi sareng ngarosul. Sareung kana alqur’an dipake pedoman. Sareung ka jalma mu’min abdi duduluran.

₍₂₎. Saba’da tasdiq teras ngucap kana dua kalimah syahadat ka payuneun guru nu bisa menerkeun kitu so teh .lamun kafir tadina, lamun islam cukup dina keur sholat tapi tetep syahadat ngamimitian kudu boga guru nu bisa menerkeun. Tah ngucapkeun dua kalimah syahadat teh jadi syarat kana iman na jeung islam na jalma, kitu oge lamun dibeunerkeun ku hate. Maka lamun ngomong wungkul bari heunteu dibarengan kalawan hate maka eta masih cilaka sok disebut muslim ghoer munjin. Nyakitu oge lamun dibeunerkeun ku hate wungkul bari heunteu dibarengan kalawan lisan maka eta oge tetep cilaka nyaeta disebut mu’min ghoer munjin.

S : naon ari ngaran ma’rifat teh?

J : ari ngaran ma’rifat nyaeta :

IDROOKUN JAAZIMUN BIHAETSU LAESA MA’AHU TARODDUDUN MUWAAFIQUN LIMAA FIL WAAQI’I NAASYIUN ‘AN DALILIN.

Hartos na : pangarti anu pasti nu teu kena ku owah gingsir anu akur jeung buktina nu timbul tina alesan.

S : naha pangarti nu kumaha anu akur jeung bukti na Alloh?

J : nyaeta pangarti hate anu akur jeung pendapat imam abu hasan asy-‘ari jeung imam abu manshur almaturidi, nyaeta anu neteupkeun ka Alloh ka sifatan ku sifat 20 anu wajib na, 20 anu mustahil na, jeung hiji anu wenang na, anu di kumpulkeun dina ucapan:

Ieu sifat 20 anu wajib na

WUJUD QIDAM BAQO # MUKHOLAFATU LIL HAWADITSI

QIYA MUHU BI NAFSIHI # WAHDANIYAT QUDROT IRODAT

‘ILMU HAYAT SAMA’ # BASHOR KALAM QOODIROON MURIDAN

‘ALIMAN HAYYAN # SAMI’AN BASHIROON MUTAKALLIMAAN

Ieu sifat 20 anu mustahil na

‘ADAM HUDUTS FANA # MUMATSALAH LIL HAWADITSI

IHTIYAJ TA’ADUD # ‘AJAZAH KAROHAH

JAAHIL MAOT ASHOM # A ‘MA BAKAM ‘AJIZAN

KAARIHAN JAAHILAN # MAYYITAN ASHOMA‘UMYAAN BUKMAAN

Ieu sifat hiji anu wenang na

ARI SIFAT ANU WEUNANG # DI GUSTI ALLOH SING TEURANG

NYATANA FI’LU MUMKININ # REUJEUNG WA TARKU MUMKININ

S : naon ari faedah na iman?

J : ari faedah na iman nyaeta :

AL KHULUUDU FIIL JANNAH

Hartosna : langgeung di surga.

Tah eta sadayana anu tos di tetepkeun ku ‘ulama ahli sunnah wal jama’ah.

S : naha ‘ulama nu kumaha anu di sebut ‘ulama ahli sunnah wal jama’ah teh?

J : nyaeta ‘ulama anu netepkeun dasar hukum syara’ na tina qur’an, tina hadits, tina ijma’₍₃₎ jeung qiyas mu’tabar₍₄₎

S : Naha ‘ulama anu pangkat kumaha anu bisa netepkeun dasar hukum syara’ na tina qur’an, tina hadits, tina ijma’ jeung qiyas mu’tabar?

J : nyaeta ‘ulama anu pangkat mujtahid

S : naha aya sabaraha ‘ulama anu pangkat mujtahid teh?

J : ari ‘ulama anu pangkat mujtahid eta seu.eur, ngan anu beunang di ikuti eta aya opat, nyaeta :

Ka hiji Imam Hanafi

Ka dua Imam Maliki

Ka tilu Imam Syafi’i

Ka opat Imam Ahmad Hambali

S : naha ari tata cara beragama ahli sunnah wal jama’ah teh turut ka saha?

J : eta turut ka kanjeung nabi Muhammad SAW,

Ngan dina tatacara turutna ka kanjeung nabi dina iman eta mengikuti faham imam abu hasan asy-‘ari jeung imam abu manshur almaturidi,

Dina hukum islam na mengikuti faham salah sahiji imam madzhab anu opat.

Dina ihsan na mengikuti faham imam abu qosim junaedi al bagdadi, jeung imam ghozali, jeung imam sayyid abdulloh ‘alawi al hadad

₍₃₎ ari ngaran Ijma’ ceuk lughot nyaeta kesepakatan. Ari ngaran Ijma’ ceuk istilah nyaeta kesepakatan sakabeh mujtahid umat Muhammad SAW dina pendapat, saparantos wafatna kanjeng nabi, tina tiap masa kamasa dina pirang-pirang masalah (hukum).

Numutkeun sadaya ‘ulama yen ijma’ eta bias dijadikeun hujjah (dasar), sakumaha hadits anu diriwayatkeun Tirmidzi ti ibnu umar ra:

LAA TAJTAMI’U UMMATII ‘ALADH-DHOLAALATI WAYADULLOHI ‘ALAL JAMAA’ATI

Anu hartosna: “ummat kaula moal bakalan sapakat dina kasesatan, tur ari pitulungna alloh eta aya dina kasapakatan (jama’ah)” HR THOBRONI

Ijma’ teh dinilai sah ku ucapan tur perkara anu dilakonan ku mujtahid ummat, atau ku ucapan tur perkara anu dilakonan ku sawarehna aranjeunna tuluy hal eta kasebar jeung sabagian anu lain jeumpe, mangka anu saperti iyeu dingaranan ijma’ sukuti.

₍₄₎. Qiyas eta meunang dijadikeun hujjah (dasar) sakumaha dawuhan alloh dina alqur’an:

FA’TABIRUU YAAULIL ABSHOORI (Q.S AL-HASR : 2).Anu hartosna wallohu ‘alam. Sakuduna aranjeun nyokot I’tibar (perbandingan) hei jalma-jalma anu boga fikiran. (Q.S AL-HASR : 2).

Ari qiyas ceuk lughot nyaeta ngukur hiji perkara kanu sejenna supaya bisa kanyahoan anu saruana. Ari ngaran qiyas ceuk istilah nyaeta nga analogikeun hukum cabang kana pokok na (asalna), kusabab ayana aleusan anu ngahijikeun dina hiji hukum, saperti nyaruakeun hukum pare reujeung gandum dina masalah riba jeung dina sakabeh rupa kadaharan.

Rukun-rukun qiyas :

Ka hiji al-ashlu (pokok) nyaeta anu digunakeun pikeun ngiyas atawa jadi ukuran

Ka dua al-far’u (cabang) nyaeta perkara anu diqiyaskeun (diukur)

Ka tilu hukmu al-ashli (hukum asal) nyaeta anu ditetepkeun dina cang saba’da tetepna dina asal

Ka opat ‘illat (aleusan) nyaeta anu jadi dasar sasaruaan antara hokum cabang reujeung hokum pokok.

S : naha aya sabaraha ari golongan dina agama islam?

J : ari golongan dina agama islam eta aya tujuh puluh tilu golongan, anu tujuh puluh dua golongan cilaka kabeh iwal hiji golongan anu salamet nyaeta golongan ahlus-sunnah wal-jama’ah

S : naon hiji-hiji na golongan dina agama islam?

J : nyaeta :

Ka hiji qoum syi’ah aya 22 golongan.

Ka dua qoum khowarij aya 20 golongan.

Ka tilu qoum mu’tazilah aya 20 golongan.

ka opat qoum murji’ah aya 5 golongan.

ka lima qoum najariyah aya 3 golongan.

ka genep qoum jabariyah aya 1 golongan.

Ka tujuh qoum musyabbihah aya 1 golongan

Jadi jumlah aya tujuh puluh dua golongan, ditambah hiji golongan nyaeta fahaman ahlus-sunnah wal-jama’ah maka atuh jumlah sadayana aya tujuh puluh tilu golongan, anu sakumaha didawuhkeun ku kanjeung Nabi Muhammmad S.A.W dina hadits anu diriwayatkeun ku Imam Turmudzi.

S: naon ari ngarana kaum syi’ah teh?

J: nyaeta :

kaum anu ngagung-agungkeun Sayyidina Ali Karomallohu wajhah, maranehana teu ngaku kholifah Rasyidin anu sejen saperti Kholifah Sayyidina Abu Bakar, Sayidina Umar jeung Sayyidina Usman bahkan mikangewana. Kaum iyeu di sulut ku Abdullah bin Saba, hiji pendeta yahudi ti Yaman anu asup islam.

S: naon ari ngarana kaum khowarij teh?

J: nyaeta :

kaum anu banget mikangewa ka Sayyidina Ali Karomallohu wajhah, bahkan eta kaum ngafirkeun Sayyidina Ali Karomallohu wajhah. Salah sahiji ajaranna saha jalma anu ngalakukeun dosa gede mangka di anggap kafir.

S: naon ari ngarana kaum mu’tazilah teh?

J: nyaeta :

kaum anu ngagungkeun akal pikiran jeung bersifat filosofis, golongan iyeu dicetuskan ku Washil bin Atho (700-750 M) salah sahiji murid Hasan Al Basri.iyeu kaum boga faham yen alloh teu boga shifat, yen manusia anu nyieun kana pagaweanana sorangan, yen alloh moal bisa ditingal ku mata di syurga, yen jalma anu migawe dosa gede dilsimpeun diantara dua tempat tegesna faseq, jeung yen mi’rajna kanjeng Nabi Muhammad S.A.W kalawan ruh na wungkul, jeung fahaman nu sanesna.

S: naon ari ngarana kaum murji’ah teh?

J: nyaeta :

kaum anu matwakeun yen migawe ma’siat (kadorakaan) teu mere madarat lamun geus iman, sakumaha ka aya an migawe kahadean teu mere manfa’at lamun kafir.

S: naon ari ngarana kaum najariyah teh?

J: nyaeta :

kaum anu matwakeun yen pagawean manusa eta makhluk, tegesna dijadikeun ku alloh tatapi maranehanan boga fahaman yen shifat alloh the teu aya.

S: naon ari ngarana kaum jabariyah teh?

J: nyaeta :

Kaum anu boga fahaman yen hiji hamba nyaeta teu boga daya upaya (kapaksa), kasab atawa usahana teu aya sama sakali, jeung dimana-mana hiji hamba migawe ma’siyat samata-mata alloh nu ngalakonana.

S: naon ari ngarana kaum musyabbihah teh?

J: nyaeta :

kaum anu matwakeun yen aya kasarupaan alloh jeung makhluk, saperti aya panangan, sampean, calik di kursi, naek tangga, turun tangga jeung sajabina.

S: naon ari ngaran ahli sunnah wal-jama’ah teh?

J : ari ngaran ahli sunnah wal jama’ah teh nyaeta hiji golongan umat islam anu satekad dina hakekat, salampah dina thorekat  saucap dina syare’at jeung kanjeng nabi tur para sohabatna.

S: Naha aya sabaraha ari golongan ahli sunnah wal-jama’ah teh?

J : ari golongan ahli sunnah wal-jamah eta aya dalapan golongan.

S : naon hiji-hijina?

J : nyeta :

ka hiji golongan imam-imam ‘adzhom jeung kholifah-kholifah anu islam.

ka dua golongan imam mujtahid.

ka tilu golongan ulama ahli hadits.

ka opat golongan ulama ahli elmu adab (elmu nahwu, elmu shorof, elmu lughoh jsb).

ka lima golongan ulama ahli qiro’ah jeung ahli tafsir.

ka genep golongan ulama ahli tashouf.

ka tujuh golongan muslimin nu paraham kana elmu aqoid, elmu fiqih, jeung elmu tashouf.

ka dalapan golongan jalma nu islam nu aya dikampung na masing-masing, nu ngaraji kana elmu aqoid, elmu fiqih jeung elmu tashouf.

Sakumaha dina iyeu nadzhoman:

ARI GOLONGAN NU BAKAL SALAMET MAH # TETELANA AHLI SUNNAH WAL JAMA’AH.

NYATA SATEKAD SALAMPAH SAUCAPNA # JEUNG KANJENG NABI TUR PARA SOHABATNA.

NGARAN GOLONGAN NU BAKAL SALAMET TEH # NYAETA GOLONGAN ASYA’IROH KABEH.

NYATANA IMAM NU NGURUS DINA USHUL # URUSAN TEKAD SANGKAN TETEP NA WUSHUL.

ARI LOBANA GOLONGAN ASYA’IROH # HIJI GOLONGAN DISELIRNA KU ALLOH.

GOLONGAN AHLI SUNNAH KABAGI DEUI # JADI DALAPAN GOLONGAN SING KAHARTI.

KAHIJI GOLONGAN IMAM-IMAM ‘ADZHOM # REUJEUNG KHOLIFAH-KHOLIFAH ANU ISLAM.

NU CUKUP DINA ELMU USHULUDIN NA # NYAKITU ELMU FIQIH GE TASHOUFNA.

SAKUMAHA AQOIDNA KANJENG NABI # JEUNG SHOBAT-SHOHABATNA NU NGALARTI.

NU DISEBUT THOREKAT MUTAKALIMIIN # NU NEUTEPKEU KANA SHIFAT ALLOH YAKIN.

SARTA BERSIH TINA ELMU NU SASARNA # SACARA QOUM TUJUH PULUH DUA NA.

KADUA GOLONGAN IMAM MUJTAHIDNA # SACARA GOLONGAN IMAM SYAFI’INA.

IMAM MALIKI, HANAFI, HAMBALI  # AWZA’I, SURI, ABI LAELA NA.

NU AQOID NA PERKARA BANGSA AKAL # NEUTEPKEUN WAJIB,MUHAL, WEUNANG CEUK AKAL.

JEUNG SUCI TINA BID’AH ELMU SASARNA # SACARA QOUM TUJUH PILUH DUA NA.

TILU GOLONGAN AHLI HADITS SHOHEHNA # NU CUKUP ELMU HADITS JEUNG SAGALANA.

JEUNG TEU KACAMPURAN KU BID’AH SASARNA # SACARA QOUM TUJUH PULUH DUA NA.

OPAT GOLONGAN AHLI ELMU ADAB NA # NYA IMAM ELMU NAHWU, SHOROF, LUGOHNA.

SACARA IMAM KHOLIL, IMAM SIBAWEH # NYA PARA IMAM-IMAM AHFASNA KABEH.

JEUNG TEU KACAMPURAN KU BID’AH SASARNA # SACARA QOUM TUJUH PULUH DUA NA.

LIMA GOLONGAN ULAMA QIRO’AH, TAFSIR # ANU TA’WILNA MUFAKAT TEU NGAGINGSIR.

KANA MADZHAB-MADZHAB IMAM BAHEULA NA # PERTELA TEU SULAYA TEU GAGABAHNA.

JEUNG TEU KACAMPURAN TA’WIL NU SASARNA # SACARA QOUM TUJUH PULUH DUA NA.

GENEP GOLONGAN TASHOUF AHLI ZUHUD  # NU CUKUP ELMU USHULNA HEUNTEU PAGUJUD.

JEUNG THOREKAT NA THOREKAT MU’TABAROH  # SAJALUR WASIAT REUJEUNG WALIYULLOH.

JEUNG TEU KACAMPURAN KU BID’AH SASARNA # SACARA QOUM TUJUH PULUH DUA NA.

TUJUH GOLONGAN MUSLIMIN NU PARAHAM # NA AQOID, FIQIH, TASHOUF TEU HAM-HAM.

NU NGAKURAN FAHAMAN HADITS NABINA # JEUNG FAHAMAN ‘ULAMA NU BAHEULANA.

JEUNG TEU KACAMPURAN KU BID’AH SASARNA # SACARA QOUM TUJUH PULUH DUA NA.

DALAPAN GOLONGAN JALMA NU ISLAM NA  # NU AYA DITEMPAT-TEMPAT KEUR MUKIM NA.

NU NGARAJI AQOID SARENG FIQIHNA # OGE TASHOUF TINA KITAB HADITSNA

JEUNG TEU KACAMPURAN ELMU NU SASARNA # SACARA QOUM TUJUH PULUH DUA NA.

TAH NU DALAPAN GOLONGAN SING KA FAHAM # SUPAYA JADI UMAT NABI TEU HAM-HAM.

NYA IYEU TUKILAN RISALAH WEUKASAN # MUGI ALLOH MAPARINAN KA WEULASAN.

-pamugi sing aya kamanfa’atan tur berkah-

-khususna kangge sim kuring-

-umumna ka sadayana nu ngaosan iyeu cacarakan-

-AAMIIN YAA ROBBAL ‘ALAMIIN-