sya'ir tanpo waton bahasa sunda

Astaghfirulloh...Robbal baroyaa....
Astaghfirulloh...Minal Khothoya....
Robbi zidni..'ilmannafii'aa...
Wawaffiqni...'Amalaan sholiha....

Ya roshulalloh..salam mun'alaik...
Ya rofi'asyaaniwaddaarojii....
'Athfatayyajii rotal'alaami...
Ya Uuhailaljudiwalkaromi.....2X

Ngawitan abdi maos syi’iran # Kalawan muji Gusti Pangeran
Dzat Nu maparin Rahmat kanikmatan # siang jeung weungi teu itung-itungan

Duh dulur-dulur ka sadayana # ulah mung ngaji wungkul syare’atna
ukur pinter dongeng, nulis jeung maca # akhirna hungkul meunang sangsara

Loba nu apal Qur’an jeung Hadits # seneng ngafirkeun jalma lianna
Kafir sorangan teu dipalire # padahal masih kotor hatena

Gampang ka bujuk nafsu angkara # dina hiasan gebyarna dunya
iri jeung dengki beunghar tatangga # jadi atina poek jeung nista

Yu dulur-dulur tong mopohokeun # wajibna ngaji jeung kana ningkatkeunna
Pikeun ngandelkeun iman tauhidna # saena bekel, mulya maotna

Jalma nu sholeh sae hatena # margi sampurna ka elmuannana
ngangge tarekat sareng ma’rifatna # dugi hakekat lebet manahna

Al-Qur’an Qodim wahyu nu mulya # heunteu di tulis bisa di baca
Eta wejangan guru waskita # Nu ditanceubkeun dina jero dada

Nempel na ati rejeng pikiran # asup na badan kabeh jeroan
Mu’jizat Rosul jadi pedoman # minangka jalan lebetna iman

Kalawan Alloh nu Maha Suci # masrahkeun diri siang jeung wengi
Ditirakatan diriyadhohan # dzikir jeung suluk ulah dipohokeun

Hirupna tengtrem ngarasa aman # eta teh tanda jalma nu Iman
Sabar narima najan pas-pasan # sadaya takdir ti gusti pangeran

Ka dulur, batur reujeung tatangga # kudu rarukun ulah pasea
Eta teh sunnah Rosul nu mulya # Nabi Muhammad panutan urang

Yu ngalakonan sakabehana # Alloh bakal ngangkat darajatna
Sanajan handap drajat lahirna # tapi mulia mungguh alloh ta'ala

Mung timang mangsa dina ahirna # moal kasasar roh jeung sukmana
dipuji Alloh surga tempatna # weuteuh mayitna oge kafanna

Ya roshulalloh..salam mun'alaik...
Ya rofi'asyaaniwaddaarojii....
'Athfatayyajii rotal'alaami...
Ya Uuhailaljudiwalkaromi.....2X

Alfaatihah .....

Hadanallah Waiyakum Waafwaminkum

Wassalamu'alaikum Warrahmatullohi Wabarokaatuh