KITAB SAFINATUN-NAJA (FASAL SABAB-SABAB SUJUD SAHWI)

(FASAL SABAB-SABAB SUJUD SAHWI)

FASHLUN: ari ieu eta hiji fasal. ASBABU SUJUDIS-SAHWI : ari pirang-pirang sabab sujud sahwi. (eta) ARBA’ATUN : aya opat. AL-AWWALU : ari anu kahijina (eta) TARKU BA’DHIN : ninggalkeun sawarehna. MIN AB’ADHIS-SHOLATI : tina pirang-pirang sunat ab’adna sholat. AU BA’DHIL-BA’DHI : atanapi tinggal sawareh tina sawareh . ATS-TSANI : ari anu kaduana. (eta) FI’LU MA YUBTHILU : migawe kana perkara anu ngabatalkeun (naon) ‘AMDUHU : ngahajana itu perkara. WA LA YUBTHILU : jeung teu batal (naon) SAHWUHU : pohona itu perkara. IDZA FA’ALAHU : dimana-mana migawe jalma anu sholat kana perkara (halna) NASIYAN : bari poho. ATS-TSALITSU : ari anu katiluna (eta) NAQLU RUKNIN QAULIYYIN : mindahkeun rukun anu bangsa ucapan. ILA GHAYRI MAHALLIHI : kana salian tempatna rukun anu bangsa ucapan. AR-RABI’U : ari anu kaopatna. (eta) IYQO’U RUKNIN FI’LIYYIN : nibakeun rukun anu bangsa pagawean MA’A IHTIMALIZ-ZIYADATI : bari sarta panteus nambahanna.

Kasimpulan:

(38). ari sababna sujud sahwi eta aya opat, nyaeta:

1) . Ninggalkeun salasahiji tina pirang-pirang sunat ab’adna sholat (pagawean sunnah dina sholat, anu awon lamun hiji jalma ninggalkeunnana) atanapi ninggalkeun sawareh tina sunat ab’adna sholat.

2)   Migawe hiji perkara anu matak ngabatalkeun kana sholat, lamun dipigawena kalawan dihaja. Jeung heunteu matak ngabatalkeun kana sholat lamun poho.

3)   Mindahkeun rukun qauli (rukun anu bangsa ucapan) kana lian tempatna.

4)   Migawe rukun Fi’li (rukun anu bangsa pagawean) bari sarta panteus nambahanna.

Bahasan:

Aya opat sabab dilakukeun sujud sahwi. Namung sateuacan ngarinci hiji-hijina, langkung tipayun urang ta’rifan hela lafadz sahwi anu dimaksad. Numutkeun bahasa, ari sahwi nyaeta berarti lalai atanapi poho kana hiji perkara. Sedengkeun numutkeun arti syara’, sahwi anu dimaksad nyaeta ngalalaikeun kana hiji perkara anu tangtu dina sholat sapertos sawarehna rukun sholat dina umumna.

kahijina, sujud sahwi dilakukeun ku sabab ninggalkeun sawarehna tina sunah-sunah ab’adh anu tujuh sapertos ngantunkeunnana qunut.

kaduana, sujud sahwi dilakukeun ku sabab migawe hiji perkara anu mana lamun dipigawe kalawan ngahaja maka bakalan bisa ngabatalkeun kana sholat jeung lamun dipigawe ku sabab poho maka moal matak ngabatalkeun kana sholat. Sapertos nambahan roka’at dina sholat lamun ku pohona.

katiluna, sujud sahwi dilakukeun ku sabab Mindahkeun rukun qauli (rukun anu bangsa ucapan) kana lian tempatna. Sapertos mindahkeun maca fatihah dina waktu keur diuk diantara dua sujud.

kaopatna, sujud sahwi dilakukeun ku sabab Migawe rukun Fi’li (rukun anu bangsa pagawean) bari sarta panteus nambahanna. Sapertos urang sholat anu bangsa opat roka’at. Ceuk urang teh. Asa tilu roka’at, asa opat roka’at. Tuluy ditambahan saroka’at. Berarti nangtung anu ayeuna mah roka’at nu ka lima. Tah eta wajib balik deui diuk sarta sunat sujud sahwi samemeh aweh salam.

(panyelang)

Ngeunaan Rukun qolbi, fi’li jeung qouli.

Ari rukun sholat eta aya tujuh belas. Aya nu nyarioskeun tilu belas, aya oge anu nyarioskeun dalapan belas tah iyeu mah pendapat abi syuja’ dina kitab fathul qoribna, aya anu berpendapat yen rukun sholat teh aya opat belas. Aya anu ngajadikeun lima belas, aya anu ngajadikeun salapan belas nyaeta di tambahan khusyu ka asupkeun kana rukun sapertos pendapatna imam ghozali. Bahkan aya anu nyarioskeun deui dua puluh. Tapi dina iyeu kitab safinah mah aya tujuh belas.

Tah iyeu pirang-pirang rukun teh sapertos syarat, dina pada wajib dipigawena, ari bedana syarat jeung rukun nyaeta ari syarat mah anu kieu ta’rifna maa wa jaba wastamaro wa laisa minha hartosna perkara anu wajib dilakonannana jeung tetep salilana heunteu menang eureun-eureun, jeung lain pagawean tina sholat sapertos wudhu. Seudeungkeun ari ta’rifna rukun nyaeta ma wajaba wanqotho’a wa minha hartosna perkara anu wajib tur anu sok gunta ganti tur ka asup kana adeugan sholat sapetos ruku’ jeung sujud. Ari rukun sholat teh nyaeta pirang-pirang perkara sawarehna tina sholat, jeung gumantung kana rukun sholat pisaheunana eta sholat. Ari rukun sholat anu tujuh belas teh, narima kabagi kana tilu bagian, nyaeta :

1.   Rukun qolbi

Nyaeta rukun anu dumasar kana pagawean hate.

2.   Rukun fi’li

Nyaeta rukun anu dumasar kana pagawean anggota badan. Anu mana pergerakan anggota badan atawa pagawean badan teh ngamistikeun kana rukunna.

3.   Rukun qouli

Nyaeta rukun anu dumasar kana ucapan/ bacaan.

Fasal sabab-sabab sujud sahwi.

Ari sabab sujud sahwi aya opat # hiji tinggal sawareh ab’adna sholat.

Dua migawe nu batal ngahajana # teu batal lamun poho sunat sujudna.

Tilu ninggalkeun rukun bangsa omongan # dina liyan eta tempatna omongan

Opat nibakeun rukunna pagawean # tapi asa leuwih eta pagawean.